«Թուրքիայի և Ադրբեջանի անկման կեղծ թեզեր տարածողները պատասխանատուն են եկած և գալիք աղետների». Հովհաննես Ավետիսյան

Հանրային կառավարման մասնագետ Հովհաննես Ավետիսյանի ֆեյսբուքյան գրառումը. «Չորս հարցման արդյունքներն էլ նույնական են՝ Թրամպը Բայդենից առաջ է: Հիշեցնեմ սրա կարևորությունը աշխարհի համար, այդ թվում մեզ:
Թրամպի քաղաքական գիծն է՝ «Առաջինը Ամերիկան» (America first): Սա նշանակում է՝ ավելի քիչ ուշադրություն և ավելի քիչ ռեսուրսներ ԱՄՆ՝ աշխարհի «ոստիկանի» դերակատարման համար: Սա, օրինակ, նշանակում է, որ Ուկրաինան այս տարի կընկնի, երբ Թրամպն ընտրվի. արդեն իսկ Ուկրաինայի հերթական ֆինանսավորման նախագիծը չի հաստատվում Թրամպին սատարող հանրապետական սենատորների և քոնգրեսմենների կողմից:
Մեր մասով չեմ կարծում արժի որևէ բան ասել, կարծում եմ՝ ամեն ինչ պարզ է:
Ուշադիր հետևում եմ բոլոր կեղծ օրակարգեր և դիսկուրսներ տարածողներին, կեղծ հույսեր տվողներին, Թուրքիայի և Ադրբեջանի անկման և թույլ լինելու կեղծ թեզեր տարածողներին, ինչպես նաև մեզ ռուսներին, պարսիկներին, անգլիացիներին կամ ամերիկացիներին թշնամի դիրքավորողներին:
Սրանց ամբողջական համախումբը այս իշխանության հովանու ներքո պատասխանատուն են մեր գլխին եկածների ու դեռ գալիք աղետների»: