«Հանգիստ թողե՛ք այդ ոստիկանին իր ծխախոտով». Հովհաննես Մանուկյան

ՀՀ արդարադատության նախկին նախարար Հովհաննես Մանուկյանի ֆեյսբուքյան գրառումը․ «Հանգիստ թողե՛ք այդ ոստիկանին իր ծխախոտով: Մարդը գտնվելիս է եղել դրսում, այլ ոչ շենքում, դուրս է եկել ծխելու, ծխախոտը բերանը դնելուց չէր կարող կանխատեսել ինքնահրկիզման փորձը: Այն ինչ հետագայում է տեղի ունեցել՝ եղել է հանկարծակի, և մարդը մասամբ ինտուիտիվ վարքագիծ է դրսևորել, չէր կարող պահի ազդեցության տակ մտածել ծխախոտը շպրտելու կամ մարելու մասին, ավելին՝ չէր էլ հասցնի դա անել: Նետվել է կանխելու ինքնահրկիզման փորձը, մասամբ իր վրա է վերցրել այրվելու վտանգը, փաստացի վառելիքի մի մասը լցվել է վրան (դա երևում է տեսանյութում): Հերիք ամբախ-զամբախ դուրս տաք, ձեր անպատասխանատվությունից ու չարությունից խեղդվելու եք»: