Դատարանը մերժեց Լևոն Քոչարյանի նկատմամբ կիրառված` բացակայելու արգելքը վերացնելու միջնորդությունը

Ազգային ժողովի պատգամավոր, Հայաստանի երկրորդ նախագահ Ռոբերտ Քոչարյանի որդու՝ Լևոն Քոչարյանի գործով դատական նիստի ընթացքում այսօր նրա պաշտպանները միջնորդեցին ընտրված խափանման միջոց՝ բացակայելու արգելքը ժամանակավորապես վերացնել: Պաշտպանի խոսքով՝ Քոչարյանը, որպես Ազգային ժողովի պատգամավոր, մարտի 23-ից 28-ը գործուղում ունի: Սակայն դատարանը մերժեց պաշտպանների միջնոդրությունը:

Հաջորդ նիստը նշանակվեց մարտի 12-ին, որի շրջանակներում պաշտպաններ Քոչարյանի նկատմամբ գրավը որպես խափանման միջոց կիրառելու միջնորդություն կներկայացնեն, որպեսզի հնարավոր լինի ապահովել Քոչարյանի՝ գործուղման մեկնելը: