«Այս պատկերն ունեցած երկրի ՄԻՊ-ն ու ՆԳ նախարարը կանանց տոնն են շնորհավորում»․ Արամ Գևորգյան

Բլոգեր, խմբագիր Արամ Գևորգյանը լուսանկար է տարածել ֆեյսբուքյան իր էջում՝ կից գրառմամբ. «Այս պատկերն ունեցած երկրի ՄԻՊ-ն ու ՆԳ նախարարը կանանց տոնն են շնորհավորում, խոսում կանանց իրավունքների պաշտպանությունից։ Այս պատկերի համար ոչ մի հաստագլուխ բերետավոր չի պատժվել, դեռ մի բան էլ ծնողների վրա էին գործ բացել...
Էս երկրում վաղուց դադարել են տոները տոն լինելուց։ Ամեն բան ապականվել է, պղծվել։ Էս թանձր մթնոլորտում դժվար ա ուղեղն անջատել ու ձևացնել, թե ամեն բան առաջվանն է։
Ես շատ ճռճռան բառեր չեմ գրի, պարզապես բոլոր պահանջատեր մայրերին ու քույրերին իրենց վրեժի ծարավի հագեցում եմ մաղթում, իրենց անսահման ուժ ու առողջություն եմ մաղթում, որ տեսնեն էն պայքարի վերջը, որը սկսել են իրենց զավակները։
Այս պատկերն ունեցող երկրում ձևացնել ու ասել, որ կանանց իրավունքները պաշտպանված են, ցինիկություն ա»։