«Դուք անգամ Արցախի դրոշին չեք կարողանում նայել, հեռացեք». սփյուռքահայը` Զարեհ Սինանյանին

«Մենք ասում ենք «Արցախը Հայաստան է և վերջ», իսկ դուք արեցիք՝ «Արցախը Ադրբեջան է և վերջ»։ Հեռացեք, այստեղ կոմֆորտի զոնա չկա ձեզ համար»,- այսպես է Շվեյցարիայի հայ համայնքը դիմավորել Սփյուռքի գործերով հանձնակատար Զարեհ Սինանյանին։

Սինանյանը հակադարձել է, թե խոսող սփյուռքահայը «մերժված է» և «30 տարի չընտրված իշխանության ներկայացուցիչ է», իսկ իրենք ընտրված են ժողովրդի կողմից: «Դուք եք հանձնել Արցախը, Հայաստանի ժողովուրդը գիտի, թե ով է հանձնել Արցախը»,- մեղադրանքները շարունակել է Սինանյանը:

«Դուք անգամ Արցախի դրոշին չեք կարողանում նայել, դուք անգամ Սփյուռքը քանդեցիք»,- նրան հակադարձել է դրոշը պարզած սփյուռքահայը։

Մեկ այլ շվեյցարահայ էլ հավելել է, որ մեր ազգի 30 տարիների խորհրդանիշը, մեր հայրենիքի մի մասը կորսվել է հենց այս իշխանությունների կողմից և «դուք պետք է մարսեք ու լռեք, ոչ թե ավելորդ սադրեք»: