«Իր օրերը հաշված են, վախկոտ և դավաճան ղեկավարը պատասխան է տալու». Արշակ Կարապետյան

«Մի բան եմ հասկանում, քանի որ ինքն անդրադարձել է իմ անուն-ազգանունին, ուրեմն հասկանում է, որ իր օրերը հաշված են, ինքը հեռանալու է»,- քիչ առաջ հրապարակած իր տեսանյութում, անդրադառնալով վարչապետ Փաշինյանի՝ իր հասցեին մեղադրանքներին, հայտարարեց ՀՀ նախկին ՊՆ նախարար Արշակ Կարապետյանը: Եվ ինքը պատասխան է տալու Արցախի համար, ինքը պատասխան է տալու մեր գերիների համար, ինքը պատասխան է տալու, որ էսօր չի զբաղվում այն գերիներով, որոնք գտնվում են Ադրբեջանի ձեռքում: Ինքը պատասխան է տալու մեր հայ պատմությունը փոխելու՝ իր արտահայտությունների համար: Ու մենակ ինքը չէ, իր կողքին էսօր ով կանգնած է, նրանք բոլորը պատասխանատու են լինելու. գուցե՝ իրենից մի քիչ պակաս: Բայց պատմության դեմ ինքը, երևի թե, մեր բոլոր պետությունների ժամանակ ամենաթույլ, վախկոտ և դավաճան ղեկավարն է: Ուզում եմ, որ բոլորդ հավատաք, էս գործը, որ սկսել ենք, մինչև վերջ տանելու ենք, ինքը էդտեղ չի լինելու»,- ասաց Կարապետյանը: