«Առաջին անգամ եմ լսում միջգյուղական ճանապարհներ, որոնք հարցականի տակ են, որովհետև այնտեղ չկան խանութներ». Դանիելյանը` Փաշինյանին

ԱԺ «Հայաստան» խմբակցության պատգամավոր Գառնիկ Դանիելյանն ԱԺ-ում տարակուսեց. «Լսել էի, որ կան քաղաքներ, որ դժգույն ու դժբախտ են, կան սարեր, որոնց գլխին ձյուն է նստած և մեզ պետք չեն, լճեր, որոնց համար հո կռիվ չենք լսելու բայց առաջին անգամ եմ լսում միջգյուղական ճանապարհներ, որոնք հարցականի տակ են, որովհետև այնտեղ չկան խանութներ ու ռեստորաններ: Ձեր նշած տարածքներում ամեն քար ու թուփ շնչում են հայկականությամբ, իսկ դուք հակառակն եք պնդում Ազգային ժողովի ամբիոնից: Լավ, լո՞ւրջ եք ասում: Էս ի՞նչ եք անում: Ասում եք՝ Ադրբեջանի հետ համատեղ էդ ճանապարհները կվերահսկենք, ՅԱՇՄԱ-ի հե՞տ պիտի համագործակցենք: Գազի խողովակն եք տալիս թշնամուն, որ փական դնեն, Արցախի օ՞րն ընկնենք»: