«2021թ. օգոստոսից ահազանգում եմ, որ Ռուսաստանի զինուժը հաստատվել է Ոսկեպարում». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «2021 թվականի օգոստոսից ահազանգում եմ, որ Ռուսաստանի զինուժը հաստատվել է Ոսկեպարում, թեև Հայաստանի անկախացումից հետո ռուսական զորքը Տավուշում չի եղել։ Ռուսական զորքը Ոսկեպարում, Ներքին Ոսկեպար նախկին ադրբեջանաբնակ գյուղի ավերակների, Հայաստան-Վրաստան միջպետական ճանապարհի կողքին զորանոց է սարքել․ դրա մոտ կանգնեցրել հայ-ռուսական բարեկամության խորհրդանիշ, ռուսական ուղղափառ և հայ առաքելական խաչերով խաչքար։ Այդ զորանոցում բնակվող ռուսական զինուժի գործառնույթը կարող է լինել սահմանազատման ու սահմանագծման անվան տակ Ադրբեջանին տարածքների հանձնումից հետո միջպետական ավտոճանապարհի Ոսկեպար-Բաղանիս ճանապարհի վերահսկողությունը։ Հիմա քաղաքական գործիչները և լրագրողները թափով Ոսկեպար են գնում, սակայն անցած 3 տարում նշված թեման չի եղել քաղաքական գործիչների ու լրատվամիջոցների ուշադրության կենտրոնում; Թե ինչու չի եղել, դա մեծ վերլուծության թեմա է»։