«Իրանն Իսրայելին կստիպի զղջալ»․ Խամենեի

Իրանն Իսրայելին կստիպի զղջալ՝ Դամասկոսում իրանական հյուպատոսարանի վրա հարձակման համար, որի հետևանքով զոհվել են Իսլամական հեղափոխության պահապանների կորպուսի երկու բարձրաստիճան գեներալներ: Այս մասին հայտարարել է Իրանի Իսլամական Հանրապետության հոգևոր առաջնորդ այաթոլլահ Ալի Խամենեին։

«Մենք կստիպենք նրանց զղջալ այդ հանցագործության համար»,- Խամենեիի խոսքը մեջբերում է նրա մամուլի ծառայությունը։

Ավելի վաղ Իրանում հայտարարել էին, որ իրավունք են վերապահում՝ պատասխանելու Իսրայելի հարվածին։