Շաբաթ, 25 մայիսի, 2024 թ.
|
Ստեփանակերտում`   +10 °C

«Մարդիկ վախենում են գնալ համայնքային հիվանդանոցներ»․ Գառնիկ Դանիելյան

«Մարդիկ վախենում են գնալ համայնքային հիվանդանոցներ»․ Գառնիկ Դանիելյան
1878
Հինգշաբթի, 11 ապրիլի, 2024 թ., 11:54

Առողջապահության նախարար Անահիտ Ավաներսյանն ԱԺ-ում ներկայացնում է Կառավարության ծրագրի 2023-ի կատարողականը։ «Հայաստան» խմբակցության պատգամավոր Դառնիկ Դանիելյանի՝ նախարարին ուղղված հարցերից մեկը վերաբերվում էր մարզային համայնքների հիվանդանոցներին․ «Համայնքային հիվանդանոցները մասնագետների լուրջ կարիք ունեն, մարդիկ խնդիր ունենալու դեպքում Երևան են գալիս, վախենում էլ են այդ հիվանդանացներ գնալ, քանի որ խնդիրը կրկնապատկվում, եռապատկվում է, երբեմն սխալ բուժման պատճառով կյանքից են զրկվում»,- ասել է Դանիելյանը։
Անահիտ Ավանեսյանը պատասխանել է՝ ներկայացնելով նախարարության կողմից խնդրին ուղղված ծրագրերը․ «Ճիշտ եք ասում, այո, մարզերում բժշկական կենտրոններ ենք կառուցում, սակայն ամենակարևորը բժիշկներն են, նրանց մասնագիտական կարողություններն ու հմտությունները։ Այս առումով ունենք մի քանի ծրագիր, առաջինը՝ նպատակային կրթական ծրագիրն է, ըստ որի պետությունը վճարում է օրդինատորների կրթական ամբողջ վճարը, ապա երեք տարով պայմանագիր է կնքվում՝ մարզերում աշխատելու նպատակով։ Ունենք նաև կարճատև գործուղումների ծրագիր, օրինակ 6 ամսով, փորձը ցույց է տալիս, որ գործուղման ավարտից հետո բժիշկները շարունակում են աշխատել մարզերում»,- պատասխանել է նախարարը։

«Մարդիկ վախենում են գնալ համայնքային հիվանդանոցներ»․ Գառնիկ Դանիելյան