«Սահմանագծման հարցերը չեն կարող լուծվել Տավուշի գյուղերի մի քանի բնակիչների ջանքերով». «Տավուշը Հանուն Հայրենիքի» շարժում
140 Չորեքշաբթի, 17 ապրիլի, 2024 թ., 22:06 «Տավուշը Հանուն Հայրենիքի» քաղաքացիական շարժման խորհուրդը դատապարտել է Փաշինյանի վարած քաղաքականությունը. «Տավուշը հանուն հայրենիքի» քաղաքացիական շարժման խորհուրդը հայտարարություն է տարածել, որում ասվում է. «Ապրիլ 17-ի առավոտյան Ոսկեպար և Կիրանց գյուղեր է անակնկալ ժամանել Նիկոլ Փաշինյանը՝ փակ հանդիպում ունենալով գյուղերի բնակիչների հետ: Հանդիպումը տեղի է ունեցել փակ ձևաչափով՝ առանց հեռախոսների և լրատվության ներկայացուցիչների: Պետության գոյությանը և ամբողջ հայությանն առնչվող այսպիսի կարևորագույն հարցերին այս ձևաչափով անդրադառնալն ինքնին մոլորեցնող է։ Ակնհայտ է, որ խնդիրը միայն Ոսկեպար, Բաղանիս և Կիրանց գյուղերի բնակիչներին չի վերաբերում։ Ռազմավարական տարածքների զիջման հարցը ողջ հայ ժողովրդի հարցն է։ Հետևաբար, վերահաստատում ենք․ 1. ՀՀ սահմանազատման և սահմանագծման հարցը չի կարող լուծվել միայն Տավուշի մի քանի գյուղի բնակիչների համաձայնությամբ կամ անհամաձայնությամբ՝ այդպիսով պետության ողջ հետագա ճակատագրի և տարածքային ամբողջականության պատասխանատվությունը դնելով մեր հերոսական գյուղացիների ուսերին: Հետևաբար, հարցի լուծումը միայն գյուղաբնակ հայրենակիցների դաշտ տեղափոխելը նշանակում է առկա իրավիճակի և հետագա գործողությունների ամբողջ մեղքը և պատասխանատվությունը պետության ղեկավարի ուսերից թոթափել և այն թողնել քաղաքացիների վրա։ 2. Հարցը գյուղաբնակ հայրենակիցների ուսերին թողնելը սոցիալական իմաստով նաև նշանակում է ներքին երկպառակություն, թշնամություն և ատելություն սերմանել գյուղացիների կյանքում, որոնք կարող են համաձայնություն կամ անհամաձայնություն հայտնել տվյալ չափազանց կարևոր հարցի վերաբերյալ: Այսպիսով, քայքայվելու է Տավուշի գյուղերում տիրող ներքին համերաշխությունը, որը պահպանվել է՝ հակառակ բոլոր ներքին և արտաքին դժվարությունների: Հետևաբար, վերստին հայտարարում ենք, որ իշխող ուժի որդեգրած նման վարքագիծը դատապարտելի է։ Հայաստանի և Ադրբեջանի միջև սահմանազատման և սահմանագծման հարցերը չեն կարող լուծվել Տավուշի գյուղերի մի քանի բնակիչների ջանքերով։ Հարցը պետք է լուծվի ՀՀ օրենքների և միջազգային պայմանագրերի սահմանած կարգերի համաձայն: Այլ առաջարկներն ու գաղափարներն ապօրինի են։ Հիշեցնում ենք, որ ՀՀ ինքնիշխան տարածքներ հանձնելը, իշխանության վերազանցությամբ ընդունված ապօրինի որոշումները պետության դեմ ուղղված ծանր հանցագործություններ են»: |
AntiFake-ի խմբագրությունը հայտարարություն է տարածել
4321:48Կիրանցում պայքարը շարունակվում է. երեկոյան զրույց. ՈՒՂԻՂ ՄԻԱՑՈՒՄ (տեսանյութ)
5721:30«Անձը, որ երկիրը համեմատում է հեղուկի հետ, վտանգ է պետության համար». Արմեն Եղիազարյան
6721:18«Տավուշը հանուն հայրենիքի» շարժումը դիմել է դատարան
7321:06Ժիրայր Սեֆիլյանին բերման ենթարկեցին (տեսանյութ)
8021:00Ոստիկանները մի քանի հոգով հարձակվում ու քաշքշում են ցուցարար կնոջը (տեսանյութ)
6520:54Ոստիկաններն սկսեցին բերման ենթարկել ԱԺԲ-ի կողմնակիցներին (տեսանյութ)
7420:48«Արփի Դավոյանն ասում է՝ Արցախի թեմի առաջնորդը պետք է մնար Արցախում ու ճգներ». Հռիփսիմե Ջեբեջյան
9020:18