«Անօրինականը ձեր ու ձեր ղեկավարի գործողություններն են»․ Բագրատ Սրբազանը՝ ոստիկաններին

«Տղե՛րք, լա՞վ եք զգում ձեզ»,- Նոյեմբերյանում դիմելով կարմիր բերետավորներին՝ հարցրեց Բագրատ Սրբազանը: «Շատ լավ է, որ լավ եք զգում, ուրեմն ձեր տներն էլ կգա էդ լավ զգալը»,- ասաց նա։ Դիմելով բողոքի ակցիայի մասնակիցներին՝ հորդորեց չտրվել սադրանքների․ «Եթե կգան գոռալով, ճչալով ինչ-որ բաներ կասեն, ապա իմացեք, որ նրանք այս ամենի հետ կապ չունեն, ներդրված անձ են։ Պետք է կանոնավոր գործել, այլ ոչ թե ցաքուցրիվ»: Այդ ընթացքում ոստիկանները զգուշացնում էին, որ հավաքն անօրինական է, որին ի պատասխան Տավուշի թեմի առաջնորդը պատասխանեց․ «Անօրինականը ձեր ու ձեր ղեկավարի գործողություններն են, մի՛ թելադրեք, երբ ուզենք, այն ժամանակ էլ կգնանք»։