«Մեր նախագծերը պտտվում, պտտվում, տեղ չեն հասնում»․ Տիգրան Ավինյան

Երևանի քաղաքապետարանի գործակարգավարական խորհրդակցության ժամանակ ներկայացվեց «Քաղաքաշինության և հողի վերահսկողության» վարչության կողմից՝ 4-րդ ռիսկայնություն ունեցող ընթացիկ շինարարության փուլում գտնվող շենքերի փոշեկլանիչ ցանցերի առկայության վերաբերյալ զեկույցը։ Նշվեց, որ ուսումնասիրվել է 689 օբյեկտ, արդյունքում արձանագրվել է, որ փոշեկլանիչ ցանցերով ապահովման ենթակա են ընդհանուր թվով 164-ը, որից պատշաճ ապոհվված են թվով 33-ը, իսկ 54-ը կրում են ձևական բնույթ, մնացած օբյեկտների նկատմամբ հարուցվել են վարչական վարույթներ։
Քաղաքապետ Տիգրան Ավինյանը նկատեց, որ ցանցերի կահավորման մասով տուգանքների վերաբերյալ օրենսդրական նախագիծը, որոնք ներկայացվում են պետական կառույցների քննարկմանը, պտտվում, պտտվում և այդպես էլ տեղ չեն հասնում։