«Քան վատ երաշխավորը, քան նույնիսկ վատից մի քիչ լավ երաշխավորը, քան նույնիսկ լավից մի քիչ վատ երաշխավորը, քան նույնիսկ լավ երաշխավորը». Փաշինյան

Եթե մեզ ուզում են վերացնել, ուրեմն մենք պետք է կառավարենք մեզ վերացնելու էդ ցանկությունը, հարաբերվենք էդ ցանկության հետ, հասկանանք՝ կարո՞ղ ենք փոխել այդ ցանկությունը, հայտարարեց վարչապետ Փաշինյանը՝ անդրադառնալով Բաքվի նկրտումներին։
«Դա հնարավոր է կարգավորել լեգիտիմությամբ, լե-գի-տի-մութ-յամբ: 20 և ավելի տարի ՀՀ-ում կռիվ տվինք լեգիտիմության կարևոր լինելու մասին, այդ հարցն արդեն լուծել ենք, և մեր արտաքին հարաբերություններում լեգիտիմությունը պետք է վերցնենք բազա»։

Պետրոս Ղազարյանի դիտարկմանը՝ լեգիտիմությունը չունի երաշխավոր, ֆորպոստը ունի, Փաշինյանը պատասխանեց.

-Ես ձեզ երաշխավորում եմ, որ լիգիտիմությունը շատ ավելի լավ երաշխավոր ա, քան վատ երաշխավորը: Ես երաշխավորում եմ, որ հարևանների հետ հարաբերություններ կարգավորելու լեգիտիմության բանաձևը շատ ավելի լավ և շատ ավելի ուժեղ երաշխավոր ա, քան վատ երաշխավորը, քան նույնիսկ վատից մի քիչ լավ երաշխավորը, քան նույնիսկ լավից մի քիչ վատ երաշխավորը, քան նույնիսկ լավ երաշխավորը: Լեգիտիմությունն ավելի լավ երաշխավոր ա, քան նույնիսկ լավ երաշխավորը:

-Ինչի՞ հաշվին:

-Քո սուբյեկտայնության հաշվին: