«Եթե ինչ-որ բան ձու է ածում, ինչպես բադը, ապա հենց բադ է, որ կա»․ Վահագն Ալեքսանյան

«Քաղաքացիական պայմանագիր» խմբակցության պատգամավոր Վահագն Ալեքսանյանը ֆեյսբուքյան իր էջում գրել է. «Եթե ինչ-որ բան լողում է, ինչպես բադը, թռչում է, ինչպես բադը, ձու է ածում, ինչպես բադը, ապա, վստահաբար, դա հենց բադ է, որ կա։
Հիմա ի՞նչ եմ ուզում ասել. եթե քեզ աջակցող քաղաքական կուսակցությունները բացահայտ խոսել են Հայաստանը Ռուսաստան-Բելառուս Միութենական Պետության մեջ մտցնելու մասին, եթե քո աջակիցները Հայաստանին կամ նրա ղեկավարությանը փորձում են վախեցնել «վագներականներով», եթե ռուսական պետական լրատվամիջոցները օրնիբուն սատարում են քեզ, եթե Հայաստանի բոլոր բացահայտ ու ծպտված պրոռուսական կուսակցությունները կողքիդ շուրջպար են բռնել, ապա նորից կարդա տեքստի առաջին պարբերությունը»։