«Փաշինյանի հեռացման պահանջ հնչելո՞ւ է»․ լրագրողը՝ Բագրատ Սրբազանին

«Մեր պահանջն է՝ դադարեցնել այս ողջ ապօրինի գործընթացը»,- քայլերթի ժամանակ, լրագրողների հետ զրույցում, ասաց Բագրատ Սրբազանը։ «Ստով է սկսվել գործընթացը․ 2021-ի նախընտրական արշավի ժամանակ գյուղացիներին ասվել է՝ ո՛չ անկլավի, ո՛չ տարածքի խնդիր չկա։ Բա՝ անցնի 3-4 տարի, գաս, գյուղացիներին ահաբեկե՞ս, սուտ խոսե՞ս»։ Հարցին՝ Փաշինյանի հեռացման պահանջ հնչելո՞ւ է հրապարակում, Տավուշի թեմի առաջնորդը նշեց․ «Ասացի, վերջացավ։ Ձեզ համար զրույցի աստիճանն այլ է, ինձ համար՝ այլ։ Խնդիրը ստի ու ճշմարտության մասին է, թե ինչ զարգացումներ կլինեն, չգիտեմ, բայց մեր պահանջը էդպիսին է՝ գործընթացը պետք է ավարտվի»։