Ռուբեն Մելիքյանը մանրամասներ է հայտնում Ասկերանի շրջանի ղեկավարի ձերբակալությունից

Փաստաբան Ռուբեն Մելիքյանը, անդրադառնալով Ասկերանի շրջանի ղեկավար Հայկ Շամիրյանի ձերբակալությանը, տեղեկացրել է, որ կալանքի հարցը քննվելու է առավոտյան՝ Աջափնյակ-1 դատարանում։ «Խուզարկություն էր տեղի ունեցել Ասկերանի քաղաքապետի տանը՝ կապված երեկ հարուցված քրեական վարույթի հետ, որը վերաբերում է համայնքի գույքի տնօրինմանը․․․ Էն, որ քաղաքական է, չի քննարկվում, բայց քննչականի գործողություններին, բարոյական առումով, այլ անուն չունեմ որակելու, քան՝ դիակապտություն։ Այսինքն՝ Արցախը ճանաչել եք Արբեջանի մաս, հիմա էլ դատում եք մարդկանց»,- նշել է նա։