Երկուշաբթի, 15 հուլիսի, 2024 թ.
|
Ստեփանակերտում`   +17 °C

«Բազմաթիվ նամակներ եմ ստանում Բունկա փղի հետ կապված». Ավինյան

«Բազմաթիվ նամակներ եմ ստանում Բունկա փղի հետ կապված». Ավինյան
988
Երկուշաբթի, 03 հունիսի, 2024 թ., 10:06

Երևանի քաղաքապետարանում ընթացող գործակարգավարական խորհրդակցության ընթացքում քաղաքապետ Տիգրան Ավինյանը հայտնեց, որ վերջին օրերին բազմաթիվ նամակներ է ստացել Բունկա փղի հետ կապված. «Մեր Կենդանաբանական այգում կա մի փիղ, որը միայնակ է բնակվում, և բնապահպանական տարբեր խմբեր ահազանգում են, որ պայմաններն իրապես լավը չեն: Մենք պետք է որոշակի քայլեր ձեռնարկեինք, ի՞նչ եղավ այդ հարցը»,- հետաքրքրվեց քաղաքապետը: Նրան զեկուցեցին, որ այգու ընդլայնման գործընթացի շրջանակներում նախաձեռնվել է նոր ազատավանդակի կառուցում. «Սրանով և՛ լավ պայմաններ կապահովվեն, և՛ հնարավորություն կստեղծվի՝ երկրորդ փիղ բերելու համար»,- ասաց բնապահպանության վարչության պետի ժամանակավոր պաշտոնակատարը: