Բագրատ Սրբազանը ՔԿ-ի դիմաց ներկայացնում է իրենց պահանջները

Բագրատ Սրբազանը և նրա աջակիցները ՔԿ-ի դիմաց են՝ ներկայացնելու իրենց պահանջները․ «Այստեղ գտնվելու նպատակն է՝ մեր ընդվզումը հայտնել այս ամբողջ ընթացքում արձանագրված դեպքերին, հասկանալու՝ ի վերջո ՔԿ-ն գործում է միայն քաղաքացիների դե՞մ, թե՞ նաև գործողություններ ունի ձեռնարկած ոստիկանական բռնությունների դեմ, որ այս ընթացքում տեղի են ունեցել»,-ասաց Բագրատ Սրբազանը։
«Մենք եկել ենք ճշտելու՝ բերետ կրող պատիվ չունեցողները, որոնք 40 հոգով կարող են մի մարդու խոշտանգել, կոշիկը դաջել մարդու երեսին, գլուխ ջարդել ու փշրել, ոստիկանական շարքերի՞ց են, թե՞ ոչ, նրանց նկատմամբ գործեր կա՞ն հարուցված, թե՞ ոչ»,- հավելեց Բագրատ Սրբազանը՝ պահանջելով հարցերին պատասխանելու համար կա՛մ ՔԿ նախագահ Արգիշտի Քյարամյանը, կա՛մ որևէ ներկայացուցիչ իջնի հանդիպման:
Բագրատ Սրբազանին ոստիկաններից մեկը հայտնեց, որ ոչ ոք չի իջնելու, դիմում է պետք գրել և նրանց կընդունեն քաղաքացիների համար սահմանված ընդունելության կարգով։