«Եթե ժամանակին ոստիկանության ապօրինությունները ճիշտ քննվեին, այսօրվա վայրագությունները չէին լինի»․ Լևոն Քոչարյան

Ինչպես հայտնել ենք, այսօր Երևանի ընդհանուր իրավասության դատարանում ընթանում է «Հայաստան» խմբակցության պատգամավոր Լևոն Քոչարյանի և Սերգեյ Ասատուրովի գործով դատական նիստը։ Իր ելույթում Լևոն Քոչարյանը նշեց. «Ես ցույցերի ժամանակ գիտեմ բազմաթիվ դեպքեր, որ նման երևույթներ են լինում, մխրճվում են ոստիկանների մեջ։ Այդ դեպքերի առնչությամբ Դատախազությունը իրավական գնահատական չի տալիս։ Ինչպե՞ս է ստացվում, որ ինչ-որ մարդկանց դեպքում նույն արարքը կարող է իրավական ոչ մի գնահատականի չարժանանալ, իսկ ինձ ուզենան 2-5 տարի կալանավորեն։ Եթե ժամանակին ոստիկանության ապօրինությունները ճիշտ քննվեին, այսօրվա վայրագությունները չէին լինի»։