«Իրենց բերած Նիկոլն իրենց տղուն զոհ տվեց». Սևակ Հակոբյան

Լրագրող, խմբագիր Սևակ Հակոբյանի գրառումը. «Կարենն ու տղան միասին էին մասնակցում 2018 թվականի հեղափոխությանը։ Տղան ավարտական դասարան էր։ Դեկտեմբերին գնաց բանակ։ Երեք ամիս էր մնացել, որ վերադառնար, Կարենը տղու համար ավտոմեքենա գնեց, որ գա քշի։ Երջանիկ էր, տղային էլ չէր ասել, բանտիկը վրան՝ ավտոն կանգնեցրել էր գարաժում։ Տղան չհասցրեց գալ, զոհվեց պատերազմում, դե էն որ Փաշինյանն ասում էր՝ Արցախը մեր սրբությունն է, պատերազմը մեր Սարդարապատն է։ Իրենց բերած Նիկոլը իրենց տղուն զոհ տվեց, որ իրեն չասեն դավաճան։ Հերը հիմա մասնակցում է բոլոր ակցիաներին՝ ասում՝ է իմ սխալն եմ ուղղում, որն ինձ համար ճակատագրական եղավ։ Ուզում եմ ուրիշներին բաժին չհասնի, ուզում եմ դավաճանները պատիժ ստանան»: