«Երևանի դժոխային երթևեկությունը ոչ միայն հարմար չէ հեծանվային երթևեկի համար, այլև վտանգավոր է». Բադալյան

Քաղաքական մեկնաբան Հակոբ Բադալյանի գրառումը. «Կեցցե հեծանիվը, ասում է վարչապետ Նիկոլ Փաշինյանը:
Եթե սրանից հանում ենք քարոզչական էլեմենտը, ապա տակն ըստ էության չկա որևէ բան, որովհետև շատ շատերն են հասկանում, որ՝ «կեցցե հեծանիվը», բայց շատ քչերին է, որ հարմար է երթևեկել դրանով առավոտյան լույսը նոր բացված, երբ քաղաքի փողոցներում գրեթե չկա որևէ մեքենա՝ հիմնականում գուցե անվտանգության ծառայության քողարկված կամ չքողարկված մեքենաներից բացի:
Երևանի դժոխային երթևեկությունը ոչ միայն հարմար չէ հեծանվային երթևեկի համար, այլ նույնիսկ վտանգավոր է:
Իհարկե այստեղ հնարավոր է գալ մի պարզունակ եզրահանգման՝ եթե մեծ մասը իջնեն մեքենայից և նստեն հեծանիվ, ապա մեքենաները կնվազեն, հեծանիվները կշատանան, և կլինի զգալիորեն անվտանգ:
Իհարկե, միջին վիճակագրական ֆեյսբուքյան կոմպետենտության այդօրինակ նշաձողերով բոլոր հարցերը «լուծվում» են շատ արագ, բայց որպես կանոն, այդօրինակ լուծումները պարզապես ավելացնում են մի հարցում անհարմարությունը, մյուս հարցում էլ չստեղծելով հարմարավետության ռեժիմ:
Պարզ օրինակը այսպես կոչված տրանսպորտային առանձնացված երթուղիներն են»: