«Կիրանցից 57 կամ 58 անշարժ գույք լինելու է նոր սահմանին կից». Ոսկան Սարգսյան

171

Չորեքշաբթի, 05 հունիսի, 2024 թ., 17:18

Լրագրող Ոսկան Սարգսյանի ֆեյսբուքյան գրառումը. «Կիրանցի վարչական ղեկավար Կամո Շահինյանը հայտնեց, որ ինքը նայելով կադաստրային քարտեզին՝ կարող է ասել, որ գյուղից 57 կամ 58 անշարժ գույք լինելու է նոր սահմանին կից, որոշ դեպքերում սահմանը մտնելու է Կիրանցի բնակչին պատկանող տարածքի մեջ։ Նրան հարցրի պետության կողմից Կիրանցի բնակիչներին տրվելիք փոխհատուցման մասին։ Նա ասաց, որ այդ հարցերով չի զբաղվում, կեղծ ու վիրավորական համարեց այն տեղեկությունը, որ ինքը համագյուղացիներին համոզել է պետությունից փոխհատուցում վերցնել։ Կիրանցի բնակիչ Մհեր Սիմոնյանը, ում տունն անցնելու է Ադրբեջանին, քանդում է իր տունը։ Խանում Թամրազյանը, ում տունը ևս անցնելու է Ադրբեջանին, նույնպես քանդելու է իր տունը։ Կիրանցի վարչական ղեկավարն ասաց, որ Կիրանցի խորհրդանիշ արծիվը, որ ապամոնտաժել են, կտեղադրվի միջպետական ավտոճանապարհի եզրին, նոր կառուցվող ճանապարհի մուտքի մոտ»:

Աղբյուրը` Ոսկան Սարգսյան