«Գեղարքունիքում արցախցիներն կանչել են, հիշեցրել` տան խնդիր ունեք». լրագրողը` Սրբազանին

«Տեղեկություններ ենք ստանում, որ արցախցիներին կանչել են քաղաքապետարան հենց այն նույն ժամին, երբ նախատեսված էր ձեր այցը Վարդենիս: Դպրոցի տնօրեններին էլ կանչել են մարզպետարան, որպեսզի որ նրանցից ոչ ոք չկարողանա մասնակցել հանրահավաքին»,- Բագրատ Սրբազանին ասաց լրագրողը Վարդենիսում:

«Ես նման տեղեկություն չունեմ»,- ասաց Սրբազանը:

«Արցախցիներին ասել են՝ դուք տան խնդիր ունեք, եթե ուզում եք այդ խնդիրը լուծել, չգնաք»,- հավելեց լրագրողը:

«Եթե նման բան կա, ապա շատ էժան, անհայրենիք քայլ է: Արցախցիներին իրենք տնավեր արել, բերել են այստեղ, հիմա էլ այստե՞ղ են հալածում»,- պատասխանեց Բագրատ Սրբազանը: