«Վիճակը կառավարելի է, համաճարակի որևէ բռնկում կամ շեղումներ չունենք»․ ԱՆ նախարար

«Աղետի գոտում ամենօրյա աշխատանքներ են տարվում, ջրի հետազոտություններ են իրականացվում՝ հասկանալու համար մաքրման աշխատանքներից հետո ինչ ռիսկեր կան և ինչ պետք է արվի»,- այսօր լրագրողների հետ զրույցում ասաց Առողջապահության նախարար Անահիտ Ավանեսյանը՝ պատասխանելով աղետի գոտում համաճարակի վտանգին վերաբերող հարցերին։

«Այս պահին վիճակը կառավարելի է, որևէ բռնկում կամ շեղումներ չունենք։ Շարունակվելու են կանխարգելիչ աշխատանքները, որպեսզի պատկերը նույնական մնա»,-ասաց նախարարը՝ վստահեցնելով, որ վարակի կամ որևէ այլ խնդիր պարագայում համակարգը բերված է պատշաճ մակարդակի։