Կիրակի, 16 հունիսի, 2024 թ.
|
Ստեփանակերտում`   +26 °C

«Արցախը դուք եք բնաջնջել, Հայաստանի իշխանություն և ստախոս ղեկավար». Բագրատ Սրբազան

«Արցախը դուք եք բնաջնջել, Հայաստանի իշխանություն և ստախոս ղեկավար». Բագրատ Սրբազան
190
Շաբաթ, 08 հունիսի, 2024 թ., 18:24

«Անխնա է վերաբերմունքը հատկապես մեր արցախցիների նկատմամբ: Օր չկա, որ ինչ որ ձևով չփորձեն ճնշում գործադրել: Հազար ու մի ձևով փորձում են իրավական ինչ-որ բան գտնել: Ո՞ւմ վրա գտնեք իրավական խնդիրը, նրանց վրա, որոնց տնազրկել եք, հայրենազրկել եք, երկիրը բնաջնջել եք: Այո, ու դա դուք եք արել, Հայաստանի իշխանություն և ստախոս ղեկավար: Ոչ մեկի մի մեղադրեք, դուք չուզեիք, չէր լինի: Այո, դուք չուզեիք, չէր լինի, անկախ նրանից՝ ադրբեջանցին, ռուսը, թուրքը, եվրոպացին, ամերիկացին ինչ արեցին, դուք չուզեիք, չէր լինի, անկարելի էր, որ լիներ: Եվ այսօր էլ, որ այդ մարդկանց հայրենազրկել եք, հիմա էլ Հայաստանում եք նրանց նկատմամբ ճնշումներ բանեցնում: Երեկ Սամվել Շահրամանյանի նկատմամբ էին ինչ-որ բաներ անում: Անգամ այս շարժման հետ կապ չունեցող արցախցիներին են ճնշում՝ ասելով՝ ձեզ հյուրի պես պահեք: Սա ես չեմ մոռանա: Գնացել եք, այդ մարդկանց հյուրընկալությունն եք վայելել, կերել եք, խմել եք ամենավերջին աստիճանի, գլուխ եք գովացել ուրիշների ստեղծածով ու կյանքի հաշվին կերտածով: Եվ հիմա այդ նույն մարդկանց հալածում եք տարբեր պատրվակներով»,- անդրադառնալով արցախցիներին հետապնդումների տարբեր դեպքերին, արձագանքեց Բագրատ Սրբազանը:

«Արցախը դուք եք բնաջնջել, Հայաստանի իշխանություն և ստախոս ղեկավար». Բագրատ Սրբազան