Կիրակի, 16 հունիսի, 2024 թ.
|
Ստեփանակերտում`   +26 °C

«Ադրբեջանի վրա ճնշման մի քանի գործիք է մնացել, դրանք էլ ՀՀ-ն է իր ձեռքով փակում». Մարուքյան

«Ադրբեջանի վրա ճնշման մի քանի գործիք է մնացել, դրանք էլ ՀՀ-ն է իր ձեռքով փակում». Մարուքյան
195
Երեքշաբթի, 11 հունիսի, 2024 թ., 00:18

ՀՀ նախկին հատուկ հանձնարարություններով դեսպան Էդմոն Մարուքյան յութուբյան իր էջի ուղիղ եթերում անդրադարձել է Ալիևի հերթական պահանջներին:

«Ալիևը հայտարարել է, որ ՀՀ-ն Ադրբեջանի հետ դիմի ԵԱՀԿ, որ Մինսկի խմբի համանախագահների ինստիտուտը լուծարվի, ՀՀ-ն ճանաչի Խոջալուի ցեղասպանությունն ու ներողություն խնդրի, փոխի Սահմանադրությունը, այլապես խաղաղության պայմանագիր իրենք չեն կարող կնքել: Մինսկի խմբի համանախագահների լուծարման վերաբերյալ Ալիևի հայտարարությանը ՀՀ ԱԳՆ-ից արձագանք չեղավ: Ի պատասխան Ալիևի՝ ուզում եմ ասել, որ համանախագահների ինստիտուտը չի ստեղծվել ՀՀ կամ Ադրբեջանի պահանջով, կամ մեր համատեղ դիմումով: Այլ ստեղծվել է այն պատճառով, որ կար ԼՂ հակամարտության կոնֆլիկտ, ինչի համար էլ միջազգային հանրությունը ստեղծել է այդ ինստիտուտը: Ինչու է Ալիևն անդադար ուզում ԼՂ հակամարտության բոլոր հետքերը վերացնել, որովհետև ինքը հասկանում է, որ ցեղասպան է: Որ էթնիկ զտման է ենթարկել մի ամբողջ ժողովրդի ու հասկանում է, որ նրանց վերադարձի իրավունքն ուժի մեջ է, միջազգային իրավունքը նրանց կողմից է, այլ բան է որ ՀՀ-ն այդ թեման փակել է»:

Ըստ Մարուքյանի՝ Ալիևն ուզում է միջազգային իրավունքի բոլոր հիմքերը ԼՂ ժողովրդի իրավունքների, ԼՂ հակամարտության հետ կապված վերացնել: «Դա ուլտիմատումով է անում, օրինակ՝ եթե դա չանեք, նշանակում է, տարածքային պահանջներ ունեք: Այնինչ Հայաստանը գոռում է, բոլոր հարթակներում ասում է՝ ԼՂ-ն ճանաչում եմ Ադրբեջանի կազմում:

ՀՀ-ն ուղղակի զրկվել է բոլոր հնարավոր ճնշման գործիքներից: Ադրբեջանի վրա ճնշման մի քանի գործիք է մնացել, օրինակ ԼՂ ժողովրդի իրավունքների հարցը, որն էլ ՀՀ-ն իր ձեռքով փակում է: Որն էլ չի փակում, Ադրբեջանն ասում է՝ արի ես ու դու դիմենք միջազգային հանրությանը, ասենք՝ փակեք»:

«Ադրբեջանի վրա ճնշման մի քանի գործիք է մնացել, դրանք էլ ՀՀ-ն է իր ձեռքով փակում». Մարուքյան