Կիրակի, 16 հունիսի, 2024 թ.
|
Ստեփանակերտում`   +26 °C

Քարկոփը դարձյալ ջրազրկված է

Քարկոփը դարձյալ ջրազրկված է
117
Երեքշաբթի, 11 հունիսի, 2024 թ., 14:48

Ինչպես հայտնել էինք, Քարկոփը դարձյալ մեկուսացման մեջ է հայտնվել։ Նորից վարարած Դեբեդ գետը քշել տարել է Քարկոփի նոր տեղադրված ժամանակավոր կամուրջը՝ նախատեսված հետիոտնի համար։

Կամուրջը գետից մոտ 1-1․5 մետր բարձր էր, գետն այդքան բարձրացել ու քշել է այն։ Կամրջի վրայով էր անցնում նաև Քարկոփի ջրատարը, որը մայիսի 26-ի ջրհեղեղից հետո էր անցկացվել, այժմ այդ ջրատարն էլ չկա, Քարկոփը դարձյալ ջրազրկված է։ «Երեք օր կրկին անձրևներ են տեղացել, Դեբեդն անցած գիշեր նորից քշել տարել է Քարկոփ գյուղի հետիոտնային կամուրջը, որն օրերս ճոպաններով կապվել էր՝ Քարկոփ համայնքը արտաքին աշխարհի հետ կապելու համար։ Գետը կրկին վարարել էր, բայց մարդու վնաս չի տվել»,- «Փաստինֆո»-ին ասել է Ախթալայի համայնքապետ Սևակ Սարգսյանը։

Նրա փոխանցմամբ՝ այս պահին աշխատանքներ են արվում՝ գետի երկու ափերը միմյանց հետ կապելու համար։