ՀՀ-ում հանդիպող գորշ արջերի ենթապոպուլյացիան փոքր է, կարիք ունի պահպանության
![]() 1061 Չորեքշաբթի, 12 հունիսի, 2024 թ., 00:30 Օրերս տեսախցիկները նկարահանել են, թե ինչպես է մայր գորշ արջն ապահով շրջում իր ձագերի հետ Կովկասյան կենսաբազմազանության ապաստարանի (CWR) տարածքում։ Վայրի բնության և մշակութային արժեքների պահպանման հիմնադրամը հրապարակել է վերոնշյալ տեսանյութը: Բնության պահպանության միջազգային միությունը (IUCN) նշում է, որ աշխարհում ընդհանուր առմամբ հայտնաբերվել է գորշ արջի 44 ենթապոպուլյացիա: Դրանցից շատերը փոքր են, իզոլացված և կարիք ունեն պահպանության, ուստի IUCN կողմից գնահատվել են առանձին-առանձին։ Այդպիսին է նաև սիրիական գորշ արջի ենթապոպուլյացիան, որը հանդիպում է Հայաստանում։ «Սիրիական գորշ արջն (Ursus arctos) ընդգրկված է ՀՀ կենդանիների կարմիր գրքում և ԲՊՄՄ Կարմիր ցուցակում (ver. 3.1) «Least Concern» կարգավիճակով: ԲՊՄՄ Կարմիր ցուցակի չափորոշիչներով գնահատվում է որպես «Խոցելի»՝ VU B2ab (iii,iv): ԿԳ տվյալների համաձայն՝ շատ մեծ արեալ (Եվրասիա և Հյուսիսային Ամերիկա) ունեցող տեսակ է: Հանդիպում է Արարատի, Վայոց ձորի, Սյունիքի, Տավուշի, Լոռու, Կոտայքի և Գեղարքունիքի մարզերում: Երբեմն կարող է մտնել Շիրակի և Արագածոտնի մարզեր: Գրանցվել է ծ.մ. 400-500 մինչև 3000 մ բարձրություններում: ՀՀ կենդանիների կարմիր գրքի տվյալներով, թվաքանակը հայտնի չէ, սակայն հավանաբար կայուն է: Այն, որ արջերը հաճախ մտնում են գյուղեր՝ վնաս հասցնելով պտղատու այգիներին և փեթակներին, դրանց մեծ թվաքանակի վկայություն չի կարելի համարել: Ավելի հավանական է, որ դա բիոտոպերի քայքայման և կերային ռեսուրսների անբավարարության հետևանք է, որը բերում է պոպուլյացիայի մասնատմանը»,- նշված է Հիմնադրամի տարածած հաղորդագրության մեջ:
|
«Շրջակայքը էլի մնաց փնթի և անխնամ»․ Քրիստինա Վարդանյան (տեսանյութ)
36813.09.2025, 15:00««Դիլիջան» ազգային պարկում 120 ծառ են հատել»․ Ոսկան Սարգսյան
46512.09.2025, 10:30««Դիլիջան» ազգային պարկում մի ամբողջ անտառիկ է ոչնչացվել». Բնապահպանի տուն (տեսանյութ)
54711.09.2025, 18:54«Ինչքա՞ն կարելի է ոչնչացնել քաղաքի կանաչ ծածկույթը»․ Քրիստինա Վարդանյան (տեսանյութ)
67610.09.2025, 17:12Վանաձորում ուժեղ կարկուտ է տեղացել (տեսանյութ)
49310.09.2025, 16:42«Բուսաբանական այգին՝ այսօր»․ Էդուարդ Հայրումյան (տեսանյութ)
63708.09.2025, 17:00«Փոշին Երևանում վերածվել է հրետանու»․ Քրիստինա Վարդանյան
75605.09.2025, 19:24«Երևանում կանաչապատման հերթական սխալը». Քրիստինա Վարդանյան
24805.09.2025, 01:06