«Սա իշխանությունների «ուղերձն է» գործարար համայնքին»․ Լիլիթ Բլեյան

Երգչուհի Լիլիթ Բլեյանի ֆեյսբուքյան գրառումը. «Կառչելով gg ընկերության հիմնադրի զգացմունքային ֆրազից՝ ՀՀ կառավարության «պաշտոնաթերթ» Հայկական ժամանակը նախ փորձեց տեղեկատվական գրոհով վնասել ընկերությանը։ Հետո, երբ տեսան, որ էդ քայլն ուղիղ հակառակ էֆեկտն է ունենում, գործողություններին միացան ուժայինները։
Ոչ ոք իհարկե զարմացած չէ, կարմիրբերետավոր ժողովրդավարներից այլ բան չէր էլ սպասվում։
Հասկանալի է նաև, որ սա իշխանությունների «ուղերձն է» գործարար համայնքին։
Հիմա ճիշտ պահն է, որ գործարար համայնքը ԲԱՐՁՐԱՁԱՅՆ իր աջակցությունը ցույց տա հայկական անկախ ստարտափին, որի ղեկավարը շրջափակման ամիսներն անցկացրեց Արցախում և կարողանում է մինչև այսօր չնահանջել իր ճանապարհից։
Պիտի հասկանանք նաև, որ իշխանությունների քայլերն իրենց դեմ են աշխատում ոչ թե հանրային ինչ-որ գերբնական ջանքերի շնորհիվ, այլ պարզապես որովհետև էդ բոլոր քայլերը հակաիրավական են ու նաև դեմ են մարդկային, բարոյական ամենատարրական նորմերին»։