«Շարժումը քաղաքական հենարան չունի, նախկինների հետ կապելու բոլոր փորձերը սին են»․ Բագրատ Սրբազան

«Այս շարժումը քաղաքական հենարան չունի, բոլոր փորձերը՝ կապելու նախկինների հետ, սին են ու դատարկ»,- մամուլի ասուլիսի ժամանակ հայտարարեց Բագրատ Սրբազանը։ «Ես որևէ խնդիր չունեմ համագործակցելու բոլորի հետ։ Ես մտերմություն ունեմ թե՛ առաջին, թե՛ երկրորդ, թե՛ երրորդ նախագահների շրջապատի հետ։ Նաև ուզում եմ շեշտել, որ թեպետ ես ընդդիմադիր եմ եղել բոլոր իշխանությունների ժամանակ, սակայն թշնամի չեմ եղել։

Թերություններ եղել են բոլոր իշխանությունների ժամանակ, սակայն դրանք ողբերգություն չեն եղել, հայրենիք չեն հանձնել։ Ինձ հրավիրել էին ռուսական միջոցառման, սրանք աղմուկ էին բարձրացրել։ ԱՄՆ-ն, Ֆրանսիան կամ Մադագասկարը թող հրավիր էին, էլի կգնայի»,- ասաց նա։