Կիրակի, 14 հուլիսի, 2024 թ.
|
Ստեփանակերտում`   +17 °C

«Սա ՀՀ իշխանությունների հերթական խայտառակ ոտնձգությունն էր արցախցիների հանդեպ»․ Արտակ Բեգլարյան

«Սա ՀՀ իշխանությունների հերթական խայտառակ ոտնձգությունն էր արցախցիների հանդեպ»․ Արտակ Բեգլարյան
238
Շաբաթ, 22 հունիսի, 2024 թ., 14:24

Արցախի պետնախարարի նախկին խորհրդական Արտակ Բեգլարյանի ֆեյսբուքյան գրառումը․ «Արցախի Հանրապետության ներկայացուցչության տարածքում երեկ ցուցադրված «դիմակահանդեսը» ՀՀ իշխանությունների հերթական խայտառակ ոտնձգությունն էր Արցախի և արցախցիների հանդեպ:
Խորհրդանշական է, որ այս խիստ դատապարտելի պահվածքին զուգահեռ իշխանությունները նույն օրը հայտարարել են Պաղեստինի Պետության ճանաչման մասին: Դա արել են այն իշխանությունները, որոնք ժխտել ու ոտնահարել են Արցախի ժողովրդի ինքնորոշման իրավունքը՝ պարարտ հող ստեղծելով ադրբեջանական ցեղասպանական ագրեսիայի ու Արցախի հայաթափման համար, իսկ հիմա էլ թիրախավորում են Արցախի խիստ խոցելի պետական ինստիտուտներին: Երևի հաջորդ հեգնական դրվագը կլինի Պաղեստինի տեղահանված ժողովրդի վերադարձի անհրաժեշտության մասին հայտարարելը՝ զուգահեռաբար հանցավոր կերպով փակելով Արցախի տեղահանված ժողովրդի վերադարձի հնարավորություններն ու միջազգային օրակարգը»։

Աղբյուրը`   Արտակ Բեգլարյան