«Ադրբեջանն իր երազանքների ցուցակում ևս մեկ կետ բավարարեց ու անցավ հաջորդին». Տաթևիկ Հայրապետյան

Ադրբեջանագետ Տաթևիկ Հայրապետյանի թելեգրամյան գրառումը․ «Ադրբեջանի տարածած ակտիվ ապատեղեկատվության ֆոնին ներկայացնում եմ վերջին օրերի ադրբեջանական մամուլի հրապարակումների վերնագրերը։ Մինչ ՀՀ իշխանությունները Տավուշի միակողմանի զիջումները մեզ ու ամբողջ աշխարհին «ծախեցին»՝ որպես խաղաղությանը միտված ակտ, Ադրբեջանն իր երազանքների ցուցակում ևս մեկ կետ բավարարեց ու անցավ հաջորդին։ Այդ ամբողջի ժամանակ աշխատում է ուժի ու ուժի սպառնալիքի գործոնը, հենց դրա անունն էլ դրել են «խաղաղության գործընթաց»։ Գործընթացը կա, միակողմանի զիջումները կան, խաղաղությունը չկա, չի էլ կարող լինել, որովհետև իրավունքներից հրաժարումը երբեք խաղաղության չի բերելու»: