«Չեմ կարող չանդրադառնալ Գառնիի սոսկալի դեպքին»․ Քրիստինա Վարդանյան

Երևանի ավագանու անդամ Քրիստինա Վարդանյանի ֆեյսբուքյան գրառումը․ «Չեմ կարող չանդրադառնալ Գառնիի սոսկալի դեպքին, քանզի տասնյակ նամակներ եմ ստացել, վերաբերմունքս պարզելու համար… Դեռ 2021-ին, Երևանի փոխքաղաքապետ, Բնապահպանական հարցերի կուրատոր Գայանե Մելքոմ Մելքոմյանի հետ քննարկում էինք Երևանում ծառահատման մորատորիում հայտարարելու անհրաժեշտությունը։ Այդ ընթացքում ստացանք Շրջակա միջավայրի նախարարությունից նման նախագիծ, որը դրվել էր շրջանառության մեջ։ Այն ժամանակ նախարարը Ռոմանոս Պետրոսյանն էր, ում հեռանալուց հետո, հարցն օրենսդիր չհասավ… Ցավում եմ, որ իրականություն չդարձավ և ունենք նման պատկեր թե՛ Երևանում, թե՛ մարզերում… Մշտապես պայքարել ու պայքարելու եմ ծառերի անհիմն հատումների դեմ, քանզի բոլորիս ապագան է վտանգված՝ սեփական երեխաների առողջությունն ու կյանքը…»։