Արցախցիների բողոքի ակցիան՝ ՀՀ-ում ՄԱԿ-ի գրասենյակի դիմաց․ ՈՒՂԻՂ ՄԻԱՑՈՒՄ

Արցախցիները բողոքի ակցիա են իրականացնում ՀՀ-ում ՄԱԿ-ի գրասենյակի մոտ։ Ակցիայի նախաձեռնող խմբի անդամ Արմինե Ավագիմյանի խոսքով՝ նախաձեռնությունը քաղաքացիական է, ՄԱԿ-ից պահանջում են իր ունեցած գործիքակազմով ճնշում գործադրել Ադրբեջանի վրա՝ արցախցիների իրավունքների պաշտպանության հարցով․ «Մենք պահանջ ենք ներկայացնում ՄԱԿ-ին՝ առ այն, որ Ադրբեջանն Արցախում ժամ առ ժամ վերացնում է մեր պատմամշակութային կոթողները, շարժական և անշարժ գույքը։ Ոտնահարվում է արցախցիների իրավունքը»,- ասաց Ավագիմյանը։