«Սահմանազատումով վերջ կդնենք պատերազմ բերած վեճին»․ Ալեն Սիմոնյան

«Մեկ մլն անգամ ասել ենք՝ ՀՀ տարածքից ոչ մի կտոր որևիցե հարևան երկրին չի տրվել, չի նախատեսվում, չի քննարկվել, չի քննարկվում ու չի կարող քննարկվել»,-ասյօր ԱԺ ամբիոնից ասաց Ալեն Սիմոնյանը՝ ի պատասխան «Հայաստան» խմբակցության պատգամավոր Արթուր Խաչատրյանի այն հայտարարությանը, թե ՀՀ-ից թշնամուն տարածքներ է հանձնվել: «Կիրանցում մեկ տուն, մեկ կրպակ, մեկ խորդանոց և կարող է ևս մեկ կիսակառույց շինություն կա, որի հետ կապված բնակիչներին հատուցվել է ու բնակիչների հետ համաձայնության է եկել կառավարությունը։ Մենք որևիցե խնդիր այնտեղ չունենք, բնակչությանը փոխհատուցվել է: Հույս ունենանք, որ մենք հարևան պետության հետ այն սկզբունքներով, որով սահմանազատման և սահմանագծման պրոցեսի մեջ ենք մտել, կվերջնականացնենք, կվերարտադրենք ՀՀ-ի և Ադրբեջանի քարտեզը՝ ըստ Ալմա Աթայի հռչակագրի սկզբունքների, վերջ կդնենք տասնամյակներ շարունակվող վեճին, որը բերեց երկու մեծ արհավիրք, պատերազմ»: