«Մի օր կբացվեն ԱԱԾ-ի արխիվները և հայ հասարակությունը կիմանա` դա ինչ էր». Արգիշտի Կիվիրյան

Նիկոլը փորձում է տասներորդական հարցերով պարզապես զբաղեցնել հասարակությանը, որ մարդիկ չհասկանան՝ ինչ վիճակում են գտնվում: Պատկերացրեք՝ ունեք մի խարխլվող քանդվող տուն և այդ վիճակում տան գլխավորը կանչում է բոլորին ու ասում՝ եկեք պատերը ոչ թե ներկենք, այլ պաստառապատենք, որ չերևա, «Հ2»-ի եթերում ասաց վերլուծաբան Արգիշտի Կիվիրյանը: «Այս գործում ինքը հմտացած է, որովհետև եղել է դեղին մամուլի խմբագիր»,- հավելեց Կիվիրյանը: Ըստ նրա, Հայաստանում ընտրությունների միջոցով իշխանափոխություն հնարավոր չէ: Հնարավոր է, եթե իշխանության եկած մարդը իշխանություն էր արդեն իսկ նախքան ընտրությունները:

Անդրադառնալով ՊՊԾ գնդի մասին հարցին՝ նա պատասխանեց. «Մի օր կբացվեն ԱԱԾ-ի արխիվները և հայ հասարակությունը կիմանա՝ դա ինչ էր, որտեղից էր ուղղորդված»:

Խոսելով թավշա հեղափոխությունների մասին, նա նկատեց, որ դրանց քավորն Արևմուտքն է, որն էլ ընտրում է իրեն հարմար մեկին և գործող իշխանություններին ստիպում՝ իշխանությունը սկուտեղի վրա հանձնել նրան: «Ժողովուրդը այս պարագաներում միայն կարող է լինել կամ չլինել մասովկա»,- ասաց Կիվիրյանը:

Առավել մանրամասն՝ տեսանյութում: