«Հիշվելու եք բոլորդ, «հատիկ-հատիկ պինցետով հանելու են» և «արաղով դեզինֆեկցիա» անեն». Վահե Սարուխանյան

Լրագրող Վահե Սարուխանյանի ֆեյսբուքյան գրառումը․ «Մեջբերում. «Հայոց պատմություն» առարկայի անվանումը «Հայաստանի պատմություն» անվամբ փոխելով՝ առարկայի դասագրքի անվանումն արդեն իսկ սովորողի մոտ պարտավորություն և սկզբունքներ կարմատավորի պետականություն ունեցող երկրի քաղաքացի ձևավորվելու գործընթացում:
Երբ ապաշնորհ ու դատարկախոս, մեծամիտ ու տգետ, ամբոխահաճ ու ամբոխավար լինելով՝ քեզ միաժամանակ պարբերաբար դնում ես պատմական լավ տղու տեղ, բայց իրական կյանքում քո նախորդներից իր հոր հետ ծեծ կերածն էսօր շարունակաբար քեզ է ծեծում ու ամեն առիթով նորովի բամփում ճակատիդ՝ ստիպելով քեզ քայլ առ քայլ անել այն, ինչ ինքն է ուզում՝ ջնջելով նույնիսկ բոլոր բարոյական կարմիր գծերը, որ անկախության ճանապարհին գծել է ժողովուրդը, եւ որը դու կատարում ես խոնարհ ու գլուխդ կախ, ներքին լսարանի առաջ քեզ մնում է բարձրաձայն մտավարժանքներ արտաբերել պատմական ու իրական Հայաստանի, պետականության ու պետության, հայոց ու Հայաստանի պատմության մասին, ինչպես մի նոր ընկեր փանջունի, ինչպես մի նոր մարքսիզմ-լենինիզմի հեղինակ, ինչպես մի նոր հեծանիվ հորինող: Հիշվելու եք բոլորդ, մեկ առ մեկ, ու երբ պահը եկավ «հատիկ-հատիկ պինցետով հանելու են» եւ «արաղով դեզինֆեկցիա» անեն: