«Կարևորը «Կեցցե՛»-ն մնացել է...»․ Արամայիս Աղաբեկյան

Արցախի ԱԺ պատգամավոր Արամայիս Աղաբեկյանի ֆեյսբուքյան գրառումը․ «Կարևորը Կեցցե՛-ն մնացել է...
4 տարի առաջ վարչապետ Նիկոլ Փաշինյանը շնորհավորական ուղերձ էր հղել Հայաստանի Անկախության հռչակագրի ընդունման 30-ամյակի կապակցությամբ։
«Կեցցե՛ Ազատությունը,
Կեցցե՛ Հայաստանի Հանրապետությունը,
Կեցցե՜ Արցախի Հանրապետությունը,
Եւ կեցցենք մենք և մեր երեխաները, որ ապրում ենք և ապրելու ենք Ազատ եւ Երջանիկ Հայաստանում»,- ուղերձն այս բառերով ավարտել էր Գերագույն Գլխավոր հրամանատարը։
Այս 4 տարվա ընթացքում Նիկոլին հաջողվել է Արցախը ճանաչել Ադրբեջանի մաս, Հայաստանի Հանրապետությանն էլ կանգնեցնել գոյաբանական հարցերի առաջ։
«Հեծանիվը լույս է, հեծանիվը թիմ է, հեծանիվը հեռանկար է: Կեցցե՜ հեծանիվը»,- այժմ հոխորտում է լրիվ ուրիշ բան ասած և հակառակը իրագործած ամեն ինչ մարսող Նիկոլը»։