«Սևանցիները միայն ցավակցում են ու լռում»․ Նարինե Ղալեչյան

Լրագրող Նարինե Ղալեչյանի ֆեյսբուքյան գրառումը․ «Սևանում կրակել ու սպանել են 37- ամյա այս երիտասարդին՝ ատամնաբույժ Աֆյանին: Ավելին, ըստ լուրերի՝ նա սպանվել է իր 6 տարեկան երեխայի աչքի առաջ:
Սևանի քաղաքապետարանը մի սրտաճմլիկ տեքստ է գրել, բայց ոչ մի բառ սպանողի մասին: Ոչ մի դատապարտող խոսք:
Ըստ Շամշյանի՝ սպանողը թաղային հեղինակություն ունեցողի տղա է: Չգործող օրենքն է պատճառը, որ մարդիկ վախենում են խոսել, որ սևանցիները միայն ցավակցում են ու լռում, անգամ քաղաքապետարանը:
Որովհետև գիտեն, որ մի բառ խոսեն, կամ քննադատեն՝ կպատժվեն: Եվ օրենք չկա, որ կարողանան իրավական ճանապարհով պաշտպանվել դատապարտողները»։