«ՊՆ-ն պարտավոր է հրապարակային բացատրություններ տալ»․ Ժ․ Ալեքսանյան

Իրավապաշտպան Ժաննա Ալեքսանյանի ֆեյսբուքյան գրառումը․«Պաշտպանության նախարարությունը նախարարի մակարդակով պարտավոր է հրապարակային բացատրություններ տալ ուսումնավարժական թռիչքի ժամանակ կործանված ինքնաթիռի և զոհված երկու օդաչուների մասին, հրապարակել նրանց անունները, ցավակցել նրանց ընտանիքներին, ներկայացնել մեզ տեղեկություններ վթարի հանգամանքների մասին։ Պապիկյանը շարունակում է լռել։ ՊՆ մամուլի խոսնակը ԶԼՄ-ների հետ առանձին զրույցներում է հաստատում օդաչուների մահը և ցավակցում։ Սրանք սովորական վթարի դեպքեր են ՊՆ-ի համար և կարելի է յոլա գնալ առանց առանձնակի ուշադրության, ինչպես բազում այլ վթարների դեպքում»։