«Մի քանի ամսում երեք սպանություն՝ հեղինակությունների որդիների մասնակցությամբ»․ Գրիգորյան

Գործարար Սամսոն Գրիգորյանը ֆեյսբուքյան իր էջում գրել է. «Երբ «քրեական հեղինակությունները» ընտրությունների ժամանակ իշխանական թևի հիմնական ակտիվն են, երբ տարբեր բարձրաստիճան ուժայինների, պատգամավորների, պաշտոնյաների հետ քավոր-սանիկ-խնամի են դառնում, երբ հասարակությունը պարբերաբար ռեստորաններում և այլ ժամանցի վայրերում նշված անձանց միասին է տեսնում...
Ապա նրանք և նրանց զավակները շարունակելու են կրակել, սպանել, ծեծել։ Իսկ հասարակությունը լուռ է մնալու, որովհետև երկրի երկու գերհզոր կառույցների (քրեական աշխարհ+իշխանություն, ինչու չէ նաև ընդդիմություն) դեմ դուրս գալով, ոչ ոք, ոչ մի շանս չունի փրկվելու։
Մինչ այդ...
Ժպտացեք և թաթիկով արեք, չէ՞ որ ապրում եք աշխարհի ամենաժողովրդավարական և արդար երկրում։
ՀԳ ընդամենը մի քանի ամսում երեք սպանություն՝ հեղինակությունների որդիների մասնակցությամբ։ Ինձ համար ողբերգություն է նաև, այդ երեք երիտասարդների մարդասպան դառնալը։ Եվ դա էլ համարում եմ իշխանության հանցավոր մեղսակցություն»։