«Ովքեր որ ստացել են փոխհատուցում, պատասխան են տալու. իմ 3 եղբայրների արյունն են փոխհատուցում». կիրանցցի

«Փոխհատուցման հարցն այսպիսին է՝ ովքեր որ ստացել են, պատասխան են տալու: Որովհետև այս գյուղը, որ այսօր կա, իմ 3 եղբայրների արյան շնորհիվ է: Մենք 4 եղբայր ենք, միայն ես եմ մնացել, մյուսները զոհվել են, ու նրանց արյունն է, որ այսօր փոխհատուցում են: Այսօր գնում են, նրանց հիշատակի հուշարձանի մոտ փոխհատուցում են վերցնում, ավտոներ են առնում, ըտենց չի լինի: Ես դա շատ ծանր եմ տանում»,- լրագրող Անի Գևորգյանի հետ զրույցում նշեց Կիրանցի բնակիչներից մեկն, ով 90-ականների հայ-ադրբեջանական պատերազմում կորցրել է 3 եղբայրներին:

Նրա որդեկորույս մայրն էլ հավելեց. «Էսօր կամ, էգուց չկամ, ես ի՞նչ ասեմ: Ոչ մի անգամ իմ տղերքի արյունը չգնահատեցին: Այս մի փոքր գյուղի համար էնքան տղա զոհվեց, ոչ մեկի արյունը չգնահատեցին: Թուրքն էլ մնում ա թուրք, մենք ո՞նց կարանք նրան վստահենք»: