«Սևան» ազգային պարկ»-ի Նորաշենի արգելոցի և արգելավայրի տարածք այցելուների մուտքի կարգը
![]() 1742 Երեքշաբթի, 06 օգոստոսի, 2024 թ., 01:06 Շրջակա միջավայրի նախարարությունից տեղեկացնում են, որ գործում է «Սևան» ազգային պարկի Նորաշենի արգելոցի և արգելավայրի տարածք քաղաքացիների այցելության կարգ․ մուտքը թույլատրվում է շաբաթվա բոլոր օրերին՝ առավելագույնը 3 ժամով, ժամը 10:00-18:00-ն «Սևան» ազգային պարկ» ՊՈԱԿ-ի կողմից տրված անցագրերով և տեսուչների հսկողության ներքո։ Տարածք միաժամանակ կարող են մուտք գործել ոչ ավել քան 30 անձ։ Արգելոցի և արգելավայրի տարածքում ԹՈՒՅԼԱՏՐՎՈՒՄ Է՝ *բնական էկոհամակարգերի, կենսաբազմազանության, լանդշաֆտների, բնության ժառանգության գիտական ուսումնասիրությունները, հաշվառումը, գույքագրումը, մոնիթորինգը. սահմանված երթուղիներով ճանաչողական զբոսաշրջությունը ուսումնական հաստատությունների ուսումնաարտադրական պրակտիկաների անցկացումը. տարածքի սանիտարահիգիենիկ և հակահրդեհային անվտանգության աշխատանքների իրականացումը. *ժամանակավոր ծածկով, ոչ բետոնային հիմքով, մինչև 20 մ2 մակերեսով, առանց սեղանների հանգստի տաղավարների և դիտակետերի տեղադրումը ճանաչողական զբոսաշրջության երթուղիներում, առավելագույնը՝ 3 հատ. *կրթադաստիարակչական միջոցառումների անցկացումը. *Նորաշենի արգելոցի և արգելավայրի գործունեության հետ կապված պաշտոնական այցելությունները ԱՐԳԵԼՎՈՒՄ Է՝ *մուտքը թռչունների ձվադրավայրեր (բացառությամբ գիտական ուսումնասիրությունների). *թռչունների ձվերի հավաքը. *թռչուններին անհանգստացնելը աղմուկով և այլ՝ անհանգստություն առաջացնող գործունեությամբ (ձայնային ազդանշաններ, կրակոցներ և այլն). *ճանաչողական զբոսաշրջության համար սահմանված երթուղիներից դուրս գտնվելը. *տարածքի աղտոտումը կենցաղային, արդյունաբերական և քիմիական թափոններով. *խարույկ վառելը և այլ հրդեհածին գործունեությունը. *արգելոցի սահմանային սյուների, տեղեկատվական նշանների, ցանկապատների և ցուցանակների վնասումը: Արգելոցի և արգելավայրի ջրային տարածքում ԱՐԳԵԼՎՈՒՄ Է՝ ջրային ռեսուրսների օգտագործումը՝ ջրային համակարգերի միջոցով և ջրային ռեժիմը խախտող ցանկացած գործունեություն. ձկնորսությունը, որսորդությունը, խեցգետնի և ջրային այլ կենդանիների որսը. շարժիչավոր ջրային տրանսպորտային միջոցների մուտքը արգելոցի ջրային տարածք՝ ափից մինչև 300 մ հեռավորությամբ, բացառությամբ արգելոցի կամ արգելավայրի պահպանության համար անհրաժեշտ դեպքերի. ջրային տարածքի աղտոտումը։ «ՀՀ քաղաքացիների համար յուրաքանչյուր այցելուի մուտքը սահմանել 1500 ՀՀ դրամ, իսկ օտարերկրյա քաղաքացիների համար՝ 3000 ՀՀ դրամ: Գումարը կարող եք վճարել «Սևան» ազգային պարկ» ՊՈԱԿ-ի հաշվեհամարին՝ 900018002890 կամ վճարել անցակետում «Սևան» ազգային պարկ» ՊՈԱԿ-ի աշխատակցին և ստանալ ՀԴՄ կտրոն: Այցելությունների արդյունքում գոյացած գումարներն ուղղվելու են արգելոցի և արգելավայրի պահպանությանը: |
«Մեծ կանաչ ծառ են հատել և արմատախիլ արել՝ հետքերը թաքցնելու համար». Էդուարդ Հայրումյան
20917.10.2025, 10:18«Երևանի առնվազն մի հատվածն էկոլոգիական աղետի մեջ է»․ Մեսրոպ Առաքելյան
34311.10.2025, 11:24«Պետք է հայտարարել, որ մարդիկ հնարավորության դեպքում տնից դուրս չգան ու պատուհաններ չբացեն»․ Վիկտոր Մնացականյան
43311.10.2025, 11:12«Ավանի այգու էտը շարունակվում է․ այն կդառնա ցախավելների այգի»․ Էդուարդ Հայրումյան (տեսանյութ)
26108.10.2025, 14:18«Նորաոճ ցախավելները Երևանին ոչինչ չեն տալու»․ Քրիստինա Վարդանյան
33606.10.2025, 11:54«Ո՞նց ձեր ձեռքը գնաց՝ թեղիները «հնձեցիք»»․ Քրիստինա Վարդանյան
83617.09.2025, 17:36«Շրջակայքը էլի մնաց փնթի և անխնամ»․ Քրիստինա Վարդանյան (տեսանյութ)
80013.09.2025, 15:00««Դիլիջան» ազգային պարկում 120 ծառ են հատել»․ Ոսկան Սարգսյան
81012.09.2025, 10:30