ՀՀ-ում արձանագրվել է մոծակից մարդուն փոխանցվող Արևմտյան Նիլ վիրուսը․ մեկ մարդ մահացել է
1107 Շաբաթ, 17 օգոստոսի, 2024 թ., 09:30 Հայաստանում առաջին անգամ արձանագրվել է մոծակից մարդուն փոխանցվող՝ Արևմտյան Նիլ կոչվող վիրուսը, մեկ մարդ մահացել է, շուրջ 20-ը՝ հոսպիտալացվել: Հիվանդությունների վերահսկման և կանխարգելման ազգային կենտրոնի (ՀՎԿԱԿ) տվյալներով՝ նրանց վիճակը գնահատվում է միջինից մինչև ծանր, ամենաերիտասարդը 25, տարեցը 65 տարեկան է: Բոլորն էլ ունեն քրոնիկ ու ծանր հիվանդություններ, մահացողը նույնպես ռիսկային գոտում է եղել, տարիքը՝ 60-ից բարձր: Վիրուսը բարդացման փուլում կարող է առաջացնել ընդհուպ մինչև ուղեղի թաղանթի կամ ուղեղի բորբոքում կամ երկուսը միասին՝ մենինգոէնցեֆալիտ, հայտնում է «Ազատություն»-ը: Ռիսկային խմբում են ուղեկցվող, քրոնիկ կամ ծանր հիվանդություններ ունեցող մարդիկ ու տարեցները: Հիվանդությունների վերահսկման և կանխարգելման ազգային կենտրոնի տնօրեն Ստեփան Աթոյանն ասում է՝ առողջ մարդիկ այն թեթև են տանում։ Հիվանդությունը հստակ բուժում չունի, միայն ըստ ախտանշանների է բուժումը նշանակվում, չկա նաև պատվաստանյութ այս վարակի դեմ։ Թե բնակչության քանի՞ տոկոսն է թիրախային խմբում՝ ՀՎԿԱԿ տնօրենն ասաց՝ լրացուցիչ ուսումնասիրությունից հետո պարզ կլինի: Արևմտյան Նիլի, նույն Արևմտյան նեղոսի տենդի ախտանշաններն են, թեթև դեպքերում՝ ջերմություն, գլխացավ, մկանացավ, հոգնածություն, մաշկի ցան, աչքերի ցավ կամ անհանգստություն: Իսկ ծանր դեպքերում հիվանդը կունենա ուժեղ գլխացավ, բարձր ջերմություն, պարանոցի ցավ, կարկամություն, գիտակցության կորուստ, ցնցումներ, մկանների թուլություն կամ կաթված: |
Բժիշկները տղամարդու աղիքներում կենդանի խավարասեր են հայտնաբերել (լուսանկար)
72420.10.2024, 18:54Սկանդալ Թուրքիայում. տասնյակ նորածինների մահվան գործով 22 բժիշկ ու բուժքույր է ձերբակալվել
118219.10.2024, 01:06«Մեզ ներկայացվող վիճակագրությունն իրականությունը չի արտացոլում»․ Ծաղիկ Վարդանյան
45318.10.2024, 00:12«Եթե խախտումներ հայտնաբերվեն, կդիտարկվի լիցենզիան դադարեցնելու հարցը»․ Անահիտ Ավանեսյան (տեսանյութ)
54517.10.2024, 13:24«Արմենիա» բժշկական կենտրոնը՝ երիտասարդ աղջկա մահվան մասին
52716.10.2024, 17:48«Քանաքեռ-Զեյթուն ԲԿ-ի ծննդատան բուժաշխատողներն աշխատավարձ ու վերջնահաշվարկ չեն ստացել»․ Սոնա Աղեկյան (տեսանյութ)
48215.10.2024, 16:12«Կորոնավիրուսային հիվանդության դեպքերն աճել են». ԱՆ
44615.10.2024, 10:18«Որովհետև հայ երեխաները Հայաստանի ապագան չեն». Կարեն Հեքիմյան
56615.10.2024, 02:00