««Տղա մի ասա, մի ալենդելոն ասա»․ Խորհրդային Հայաստանում Ալեն Դելոնը չափանիշ էր»․ Անիտա Հախվերդյան

Երգահան Անիտա Հախվերդյանը ֆեյսբուքյան իր էջում գրել է. «Խորհրդային Հայաստանում Ալեն Դելոնը չափանիշ էր, անշուշտ՝ գեղեցկության:
«Տղա մի ասա, մի ալենդելոն ասա», «ալենդելոնն ա էնտեղ դրած», ու գագաթնայինը «էնքան սիրունա՝ ալենդելոնը **ք ա կերել» ձևակերպումներով բնութագրվում էին բարետես արտաքինով տղամարդիկ: Եթե դուրեկան էր, վերջ՝ համեմատվում էր Ալեն Դելոնի հետ:
Մի խոսք էլ կար՝ «նենց ա երևակայում, ոնց որ Ալեն Դելոնը լինի» ու նորից դա արտաքնին էր վերաբերվում, այլ ոչ թե դերասանական տաղանդին:
Հիշում եմ, Ծաղկաձորում մեզ հետ էին հանգստանում զույգ եղբայրներ. մեկը՝ Ալեն, մյուսը ՝ Դելոն: Երկրորդին ասում էին Դելո: Երկուսն էլ՝ սև ու արծվաքիթ: Երկուսը՝ մեկում...
Ֆրանսիական կինոյի սիմվոլը հեռացավ կյանքից՝ մեզ թողնելով իրա դեմքով ու կերպարով հիանալու նոստալգիկ զգացումը»։