«Հայաստանը վերադարձրել է բոլոր ադրբեջանցի գերիներին, մարդասպաններին և հանցագործներին»․ Նաիրա Զոհրաբյան

ԱԺ նախկին պատգամավոր Նաիրա Զոհրաբյանը ֆեյսբուքյան իր էջում «Լայվ նյուզ»-ին տված հարցազրույցից մի հատված է տեղադրել, որտեղ մասնավորապես ասում է․ «Ուզում եմ հիշեցնել, որ մենք այսօր մի հատ ադրբեջանցի գերի չունենք։ Հայաստանը բանծիկը կապել է վրան և վերադարձրել է բոլոր գերիներին, հանցագործներին, մարդասպաններին, ովքեր Սիսիանում մտել են տուն, հետո գնդակահարել են պղնձամոլիբդենային կոմբինատի աշխատողի, մարդասպաններին, ովքեր երիտասարդ արցախցի էին մորթել։ Հայաստանը Ադրբեջանին է հանձնել առաջին Արցախյան պատերազմում Արցախի տարածքում սպանված ադրբեջանցիների ոսկորները՝ ոսկոր առ ոսկոր, բայց այսօր մենք ունենք Ադրբեջանի բանտերում խոշտանգվող Արցախի քաղաքական էլիտա, հայ ռազմագերիներ»։