«Քրեական գործը ստեղծվել է Սահմանադրական դատարանում փոփոխություններ իրականացնելու համար»․ Արամ Օրբելյան

Այսօր կայացել է ՍԴ դատավոր Հրայր Թովմասյանի գործով հերթական դատական նիստը, որին պաշտպանական կողմից ներկա էր փաստաբան Արամ Օրբելյանը։

«Գործի շրջանակներում ներկայացվել է հստակ դիրքորոշում, որ սույն քրեական գործը արդարադատություն իրականացնելու հետ որևէ առնչություն չունի։ Սույն քրեական գործը ինքնին ստեղծվել է բացառապես Սահմանադրական դատարանում փոփոխություններ իրականացնելու համար»,-Դատարանի բակում լրագրողների հետ ճեպազրուցի ժամանակ ասաց փաստաբան Արամ Օրբելյանը՝ անդրադառնալով իր պաշտպանյալ Հրայր Թովմասյանի դեմ հարուցված գործին։ «Գործը հարուցվել է անոնիմ գրության հիման վրա, անանուն օպերատիվ տեղեկատվության հիման վրա։ Սա բացարձակ է՝ անանուն տեղեկատվության հիման վրա քրեական գործ չի կարող հարուցվել»,-նշել է Օրբելյանը։