«Կալանավորն ավելի վատ պայմաններում է դատարան հասնում, քան լոլիկը՝ Լարսի անցակետ»․ Արմեն Աշոտյան

ՀՀԿ փոխնախագահ Արմեն Աշոտյանը դատական նիստի մեկնարկին իր ելույթում պատմեց, թե ինչ վատ պայմաններում են անազատության մեջ գտնվող մեղադրյալներին տեղափոխում դատարան․ «Ուղեկցող գումարտակի աշխատանքների պայմանները խայտառակ են՝ աշխատակազմ չունեն, մեքենաներ չունեն, կալանավորների համար սիթի տուրեր են կազմակերպում Երևանի բոլոր դատարաններով՝ մինչև փլած մեքենաներով հասցնում են ստեղ։ Այս մարդիկ իրենց այդ պայթած մեքենաներով չեն հասցնում կալանավորներին բոլորին ժամանակին բերել դատական նիստին։ Կալանավորը ավելի վատ պայմաններում է տեղ հասնում, քան Լարսի անցակետ հասցվող լոլիկը։ Խնդիրը աշխատակիցների մեջ չի, ես շնորհակալ եմ աշխատակիցներին, որ նման պայմաններում ամեն ինչ անում են կալանավորներին տեղ հասցնելու համար»,-նշել է Աշոտյանը։