Ինչպես խուսափել Արևմտյան Նեղոսի տենդից

Հիվանդությունների վերահսկման և կանխարգելման ազգային կենտրոնն ութ կետից բաղկացած ուղեցույց է հրապարակել, թե ինչպես խուսափել Արևմտյան Նեղոսի տենդից․

• Սահմանափակել մթնշաղին մինչև լուսաբաց դրսում անցկացրած ժամանակը, երբ մոծակներն ակտիվանում են։
• Ձեռք չտալ սատկած թռչուններին։
• Կրել երկարաթև հագուստ։
• Հեռացնել տան շրջակայքում առկա ջրականգերը՝ մոծակների բազմացումը կանխելու համար։
• Օգտագործել պատուհանի և դռների համար նախատեսված հակամիջատային ցանց։
• Օգտագործել միջատավանիչ միջոցներ։
• Խուսափել երկար խոտերից, խոնավ տարածքներից, թփերից և խոտածածկ ափերից։
• Կրել մեկանգամյա օգտագործման ձեռնոցներ, պաշտպանիչ հագուստ՝ հիվանդ կենդանիների հետ շփման, սպանդի կամ մսեղիքի մշակման ընթացքում։